Qasym-Jomart Toqaev Qazaqstan halqyn Ulttyq kitap kúnimen quttyqtady
ASTANA. KAZINFORM – Aqorda Memleket basshysynyń otandastarymyzdy Ulttyq kitap kúnimen quttyqtaǵanyn habarlady.
– Barshańyzdy Ulttyq kitap kúnimen quttyqtaımyn! Qazirgi kezeńde baspa isinde aýqymdy ózgerister bolyp jatyr. Soǵan qaramastan, kitap rýhanı jáne adamı qundylyqtardyń qaınar kózi retinde eshqashan mán-mańyzyn joǵaltpaıdy. Qazir qoǵamnyń kitap oqý mádenıetine, sonyń ishinde klassıkalyq kórkem shyǵarmalardy nemese búgingi zamannyń ózekti máselelerine arnalǵan jarııalanymdardy oqýǵa birtindep qaıta bet buryp jatqany baıqalady. Osy oń úrdis jastar arasynda da keńinen taralyp keledi. Jappaı tsıfrlandyrý jáne Jasandy Intellektiniń ústemdigi arta túsken ýaqytta oqý mádenıeti ult sapasynyń birden-bir ólshemi retinde halqymyzdyń bitim-bolmysyna tán aınymas qasıet bolyp qala berýge tıis, – dep jazdy Qasym-Jomart Toqaev Instagram áleýmettik jelidegi paraqshasynda.
Memleket basshysy aldaǵy eki apta ishinde oqý mádenıetin keńinen nasıhattaý jáne oqýǵa qushtar, zııatker ult qalyptastyrý sharalary týraly arnaýly Jarlyqqa qol qoıady.
Aıta keteıik, elordada «Astana Eurasian Book Fair – 2026» halyqaralyq kitap kórmesi ótip jatyr.
