Qasym-Jomart Toqaev Italııa Prezıdentin Aqordada qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge resmı saparmen kelgen Italııa Prezıdenti Serdjo Mattarellany qarsy aldy.
Aldymen Qasym-Jomart Toqaev pen Serdjo Mattarella bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Italııa Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Italııa Prezıdenti men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Aıta keteıik, qazirgi ýaqytta eki el basshylary kelissóz júrgizip jatyr. Onyń barysynda saýda-ekonomıkalyq, ınvestıtsııalyq jáne mádenı-gýmanıtarlyq yqpaldastyqty nyǵaıtý perspektıvalary talqylanady.
Buǵan deıin osy jyldyń 9 naýryzynda Memleket basshysy Italııa Prezıdenti Serdjo Mattarellamen elordada kezdesken edi.