Qasym-Jomart Toqaev Iordanııa Koroli ІІ Abdallany elorda áýejaıynan shyǵaryp saldy

ASTANA. KAZINFORM – Qazaqstan Prezıdenti Qasym-Jomart Toqaev 27 tamyz kúni resmı saparyn aıaqtaǵan Iordanııa Koroli ІІ Abdallany Nursultan Nazarbaev halyqaralyq áýejaıynan shyǵaryp saldy.

Memleketter basshylary eki kúndik sapar aıasynda saıası, saýda-ekonomıkalyq jáne mádenı-gýmanıtarlyq yntymaqtastyqty nyǵaıtýǵa baǵyttalǵan kelissózder júrgizdi.

Kezdesýler qorytyndysynda birqatar mańyzdy qujattarǵa qol qoıylyp, Qazaqstan men Iordanııa arasyndaǵy strategııalyq seriktestiktiń jańa kezeńi bastalǵany atap ótildi.

Aıta keteıik, Qazaqstan men Iordanııa arasynda tikeleı áýe reısi ashylýy múmkin.