Qasym-Jomart Toqaev Iordan Hashımıt Koroldiginiń joǵary ordenimen nagradtaldy
ASTANA. KAZINFORM — Iordanııa Koroli ІІ Abdalla Prezıdent Qasym-Jomart Toqaevqa Iordan Hashımıt Koroldiginiń «Ál-Nahda» joǵary ordenin tapsyrdy, dep habarlaıdy Aqordanyń baspasóz qyzmeti.
Korol Memleket basshysynyń Iordanııa men Qazaqstan arasyndaǵy dostyq pen yntymaqtastyqty nyǵaıtý isine eleýli úles qosqanyn atap ótti. Prezıdent Qasym-Jomart Toqaev Koroldiktiń joǵary memlekettik nagradasymen marapattaǵany úshin ІІ Abdalla ben ál-Hýseınge jáne dostas ıordan halqyna alǵys aıtty.
— Uly Mártebeli, Sizdi asa kórnekti memleket qaıratkeri ári kóshbasshy retinde baǵalaımyn. Sondyqtan bul marapatty Ózińizge degen shynaıy qurmetpen qabyl alamyn. Osy aıtýly oqıǵany Qazaqstan Respýblıkasy men Iordan Hashımıt Koroldiginiń arasyndaǵy ózara senimge negizdelgen yntymaqtastyqtyń sımvoly sanaımyn. Biz yqpaldastyǵymyzdyń jańa kókjıegi belgilengen búgingi kelissózderdiń qorytyndysyna basa mán beremiz. Osynaý mańyzdy sapardyń nátıjesi seriktestikti odan ári nyǵaıtýǵa tyń serpin beredi dep senemin. Elderimiz arasyndaǵy konstrýktıvti dıalog pen tyǵyz qarym-qatynas aldaǵy ýaqytta da keńeıe bermek. Bul jańa baǵyttardy qamtyp, ekijaqty áriptestiktiń damýyna ǵana emes, óńirlik jáne jahandyq turaqtylyqqa da yqpal etedi dep oılaımyn, — dedi Memleket basshysy.
Osyǵan deıin Memleket basshysy Qasym-Jomart Toqaev pen Korol ІІ Abdalla shaǵyn quramda kelissóz júrgizgenin jazǵan edik.