Qazaqstan ushaq apatyn jan-jaqty zertteýge bar kúsh-jigerin salady - Prezıdent

ASTANA. KAZINFORM – Memleket basshysy Ázerbaıjan Prezıdentimen telefon arqyly sóılesti. Bul týraly Aqorda málim etti. 

— Prezıdentter qaıǵyly oqıǵaǵa baılanysty bir-birine kóńil aıtyp, Mańǵystaý oblysynda apatqa ushyraǵan Azerbaijan Airlines ushaǵynda qaza tapqan azamattardyń otbasylary men jaqyndaryna sabyr tiledi, — delingen habarlamada. 

Qasym-Jomart Toqaev oqıǵany tergeý jónindegi arnaıy memlekettik komıssııa jumysy týraly málimet berip, Qazaqstan tarapy ushaq apatyn jan-jaqty jáne obektıvti túrde zertteýge bar kúsh-jigerin salatynyn jetkizdi.

Ilham Álıev izdestirý-qutqarý jumystaryn júrgizý jáne zardap shekkenderge kómek kórsetý boıynsha shuǵyl áreket etkeni úshin Qazaqstan Úkimetine alǵys aıtty.

Taraptar qaıǵyly oqıǵanyń mán-jaıy tolyqtaı anyqtalǵansha eki el úkimetteriniń qurylymdary tyǵyz baılanysta bolady dep ýaǵdalasty.

Aıta ketelik, Sı Tszınpın Prezıdentke kóńil aıtý jedelhatyn joldady.