Qasym-Jomart Toqaev halyqaralyq olımpıada jeńimpazdaryn quttyqtady

ASTANA. KAZINFORM - Memleket basshysy Barselona qalasynda ótken halyqaralyq STEM olımpıadasynda, sondaı-aq Birikken Arab Ámirlikterinde uıymdastyrylǵan hımııa páninen halyqaralyq olımpıadada jeńiske jetken qazaqstandyq oqýshylarǵa quttyqtaý jedelhatyn joldady.

Qasym-Jomart Toqaev muny elimizdiń abyroı-bedelin arttyra túsetin tarıhı jetistik retinde baǵalady.

– Bul – Qazaqstanda bilim berý salasy qarqyndy damyp kele jatqanynyń aıqyn dáleli. Memleket jastardyń sapaly bilim, taǵylymdy tárbıe alýyna árdaıym basa mán beredi. Elimiz sizderdi maqtan tutady. Jarqyn jeńisterińiz kóp bolsyn! – dep jazdy Prezıdent.

Aıta keteıik, buǵan deıin qazaqstandyq oqýshylar halyqaralyq olımpıadada tórt medal ıelengenin jazǵanbyz.

Sondaı-aq Barselonadaǵy baıqaýǵa qatysýshylarymyz 13 medal enshiledi.