Qasym-Jomart Toqaev Gvıneıa-Bısaý Prezıdentin Qazaqstanǵa resmı saparmen kelýge shaqyrdy

ASTANA. KAZINFORM — Qasym-Jomart Toqaev Gvıneıa-Bısaý Prezıdenti Ýmarý Sısoký Embalomen telefon arqyly sóılesti. Áńgimelesý barysynda memleketter basshylary Qazaqstan men Gvıneıa-Bısaý arasyndaǵy qarym-qatynastyń damý perspektıvasyn talqylady. Bul týraly Aqordanyń baspasóz qyzmeti málim etti. 

Prezıdentter ekijaqty yntymaqtastyqty nyǵaıtýǵa beıil ekenderin rastap, ózara yqpaldastyqtyń basym baǵyttaryn qarastyrdy.

Qasym-Jomart Toqaev Ýmarý Sısoký Embalony ózine qolaıly ýaqytta Qazaqstanǵa resmı saparmen kelýge shaqyrdy.

Sondaı-aq prezıdentter halyqaralyq kún tártibindegi ózekti máseleler jóninde pikir almasty.

Eske sala keteıik, buǵan deıin Memleket basshysy Qasym-Jomart Toqaev Chehııanyń Syrtqy ister mınıstri ıAn Lıpavskııdi qabyldaǵanyn jazǵan bolatynbyz.