Qasym-Jomart Toqaev Grýzııa Premer-mınıstri Iraklıı Kobahıdzemen kezdesti

ASTANA. KAZINFORM — Ashhabadtaǵy halyqaralyq forým aıasynda Qasym-Jomart Toqaev Grýzııa Premer-mınıstri Iraklıı Kobahıdzemen kezdesti, dep habarlaıdy Aqorda.

Prezıdent Grýzııa Qazaqstannyń Ońtústik Kavkazdaǵy senimdi seriktesi bolyp qala beretinin aıtty.

Sondaı-aq qos halyq arasyndaǵy berik dostyqqa, tarıhı tamyrlastyqqa negizdelgen uzaq jylǵy yntymaqtastyqty oń baǵalaıtynyn atap ótti.

Qasym-Jomart Toqaev pen Iraklıı Kobahıdze saıası dıalog, ekonomıkalyq jáne gýmanıtarlyq baılanystar dáıekti túrde damyp kele jatqanyn rastady.

Áńgimelesý barysynda ekijaqty yntymaqtastyqtyń keń kólemdi máseleleri qarastyryldy.

Osy oraıda Memleket basshysy Grýzııamen kólik-logıstıka, saýda-ekonomıka salalaryndaǵy qarym-qatynasty arttyrýdyń áleýeti zor ekenine toqtaldy.

Aıta keteıik, Prezıdent BUU quramynda Halyqaralyq sý uıymyn qurýdy usyndy.