Qasym-Jomart Toqaev Germanııaǵa resmı saparmen bardy
ASTANA. KAZINFORM — Qasym-Jomart Toqaev Federaldyq Prezıdent Frank-Valter Shtaınmaıerdiń shaqyrýymen Germanııaǵa resmı saparmen bardy. Bul týraly Aqordanyń baspasóz qyzmeti habarlady.
Sapar aıasynda Berlınde GFR Prezıdenti Frank-Valter Shtaınmaıermen jáne Federaldyq Kantsler Frıdrıh Mertspen kelissózder josparlanǵan.
Taraptar Qazaqstan men Germanııa arasyndaǵy strategııalyq seriktestikti nyǵaıtý perspektıvasyn talqylaıdy.
Sonymen qatar Qasym-Jomart Toqaev Mıýnhen qalasyna barady.
Budan bólek, Memleket basshysy Germanııanyń mańdaıaldy kompanııalarynyń, qarjy jáne ǵylymı ınstıtýttarynyń jetekshilerimen, joǵary oqý oryndarynyń rektorlarymen kezdesý ótkizýdi josparlap otyr.
Prezıdent Berlınde bıznes-forýmǵa jáne Mıýnhende tehnologııalyq bıznes-forýmǵa qatysady.
