Qasym-Jomart Toqaev Gennadıı Golovkındi quttyqtady
ASTANA.KAZINFORM -Memleket basshysy Qasym-Jomart Toqaev Gennadıı Golovkınniń esimi Halyqaralyq boks dańqy zalyna resmı túrde jazylýymen quttyqtady. Bul týraly Prezıdenttiń keńesshisi – Baspasóz hatshysy Aıbek Smadııarov Telegram paraqshasynda jazdy.
Prezıdent atap ótkendeı, bul tarıhı ýaqıǵa aty ańyzǵa aınalǵan otandasymyzdyń jahandyq sporttaǵy qoltańbasy aıryqsha mańyzǵa ıe ekenin aıǵaqtaıdy. Sondaı-aq Qazaqstannyń álemdik arenadaǵy shynaıy kelbeti men bedelin qalyptastyrýǵa qosqan eleýli úlesin kórsetedi.
Memleket basshysynyń pikirinshe, Gennadıı Golovkın – elimizdiń maqtanyshy ári halyqaralyq sport qoǵamdastyǵyndaǵy elshisi.
Qasym-Jomart Toqaev dúnıe júzindegi eń úzdik boksshylardyń birinen úlgi alǵan jas sportshylarymyz jigerlenip, bıik belesterdi baǵyndyra beretinine senim bildirdi.
Aıta keteıik, AQSh-tyń Nıý-Iork shtatynyń Kanastota qalasynda ótken saltanatty is-sharanyń basty tulǵalarynyń biri Halyqaralyq boks dańqy zalyna qabyldanǵan Qazaqstannyń alǵashqy ókili Gennadıı Golovkın boldy.
Golovkındi Dańq zalyna qabyldaý aldynda amerıkalyq jankúıerler erekshe qurmetpen qarsy aldy.
