Qasym-Jomart Toqaev Gaza sektoryndaǵy qaqtyǵysty toqtatý týraly kelisimdi qoldaıdy

ASTANA.KAZINFORM - Prezıdent Qasym-Jomart Toqaev Mysyrda ótken janama kelissózder barysynda qol jetkizilgen Gaza sektoryndaǵy qaqtyǵysty toqtatý jáne tutqynǵa alynǵan adamdardy bosatý týraly kelisimdi qoldaıdy.

Bul týraly Aqordanyń baspasóz qyzmeti habarlady.

Memleket basshysy Mysyr, Qatar, Túrkııa elderiniń araaǵaıyndyq qyzmeti tabysty bolǵanyn, sondaı-aq Taıaý Shyǵysta beıbitshilik ornatý jónindegi kelissózderge Prezıdent Donald Tramp bastaǵan AQSh tarapynyń erekshe úles qosqanyn atap ótti.

Aıta keteıik, osyǵan deıin AQSh prezıdenti Donald Tramp Izraıl men Palestınanyń radıkaldy HAMAS qozǵalysy ókilderi beıbit jospardyń birinshi kezeńi boıynsha kelisimderge qol qoıǵanyn habarlaǵan bolatyn.

HAMAS Gazadaǵy atysty toqtatý týraly kelisimge qol jetkizilgenin rastady.