Qasym-Jomart Toqaev Frantsııa Prezıdentiniń atynan uıymdastyrylǵan memlekettik qabyldaýǵa qatysty
PARIJ. KAZINFORM - QR Prezhıdenti Qasym-Jomart Toqaev Frantsııa Prezıdentiniń atynan uıymdastyrylǵan memlekettik qabyldaýǵa qatysty, dep habarlaıdy Aqorda.
Memleket basshysynyń qurmetine oraı Frantsııa Prezıdenti Elıseı saraıynda memlekettik qabyldaý ótkizdi.
Qasym-Jomart Toqaev Emmanıýel Makron men onyń zaıyby Brıdjıt Makronǵa qazaq delegatsııasyna erekshe qonaqjaılyq kórsetkeni jáne dostyq peıilderi úshin rızashylyq bildirdi.
Memlekettik qabyldaýǵa Frantsııanyń Úkimet músheleri, belgili saıasatkerler, iskerlik top, ǵylym jáne dıplomatııa ókilderi, sondaı-aq eki eldiń kórnekti mádenıet jáne sport qaıratkerleri shaqyryldy.
Aıta keteıik, buǵan deıin Prezıdenttiń Frantsııa Respýblıkasyna memlekettik saparmen barǵanyn jazǵanbyz.
Sonymen qatar, Kazinform tilshisi Qazaqstan men Frantsııa qarym-qatynasynyń nyǵaıýyn jan-jaqty qamtyp kórdi.
Elıseı saraıynda Qazaqstan Prezıdenti Qasym-Jomart Toqaevty resmı qarsy alý rásimi ótti.
Qazaqstan men Frantsııa Prezıdentteri Birlesken deklaratsııa qabyldady.
Sonymen qatar Emmanıýel Makron Qazaqstan Prezıdentiniń Frantsııaǵa sapary týraly jazba jarııalady.
Prezıdent Frantsııaǵa sapary týraly «Ystyq yqylasqa erekshe tánti boldym» dep jazdy.
