Qasym-Jomart Toqaev Frantsııa Prezıdentimen kezdesý ótkizdi
NЬıÝ-IORK. KAZINFORM — Qasym-Jomart Toqaev Emmanıýel Makronmen ekijaqty yntymaqtastyqtyń jaı-kúıin talqylady, dep habarlaıdy Aqordanyń baspasóz qyzmeti.
Memleket basshysy Frantsııa elimizdiń Eýropa Odaǵyndaǵy basty ári senimdi seriktesi sanalatynyn atap ótti.
Prezıdentter osyǵan deıin joǵary deńgeıde qol jetkizilgen ýaǵdalastyqtar túrli salada, sonyń ishinde energetıka, kólik-logıstıka, aýyl sharýashylyǵy, densaýlyq saqtaý baǵyttarynda aıtarlyqtaı tabysty iske asyrylyp jatqanyna toqtaldy.
Mádenı-gýmanıtarlyq baılanystar jemisti damyp keledi. Qazaqstan men Frantsııa prezıdentteri ózekti geosaıası máseleler jóninde pikir almasty.
Aıta keteıik, Aqordanyń baspasóz qyzmeti Memleket basshysy Qasym-Jomart Toqaevtyń BUU Bas Assambleıasynyń 80-shi sessııasyndaǵy Jalpy debatta sóılegen sóziniń tolyq nusqasyn jarııalady.
Budan buryn Prezıdent BUU-ny jańǵyrtýdy kózdeıtin batyl áreket Qaýipsizdik keńesin reformalaýdan bastalýy tıis ekenin aıtty.