Qasym-Jomart Toqaev Fınlıandııa Prezıdentin Aqordada qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge resmı saparmen kelgen Fınlıandııa Prezıdenti Aleksandr Stýbbty qarsy aldy.
Aldymen Qasym-Jomart Toqaev pen Aleksandr Stýbb bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi. Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Fınlıandııa Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Memleket basshylary qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta Memleketter basshylary kelissóz júrgizip jatyr. Onyń barysynda ekijaqty yntymaqtastyqty damytý perspektıvasyn, sondaı-aq jahandyq jáne óńirlik kún tártibindegi máselelerdi talqylaıdy.
Buǵan deıin Kazinform-nyń analıtıkalyq sholýshysy sarapshylarmen birge «Aleksandr Stýbbtyń resmı saparynda ortaq kelisimder jasala ma?», «Fın ınvestorlary úshin qaı sala tartymdy bolýy múmkin?» degen saýaldarǵa jaýap izdep kórgen edi.
