Qasym-Jomart Toqaev Fınlıandııa Prezıdentimen kezdesti
ASTANA. KAZINFORM - Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi, dep habarlaıdy Aqorda.
Qasym-Jomart Toqaevtyń aıtýynsha, Fınlıandııa – Qazaqstannyń Soltústik Eýropa aımaǵy men tutas Eýropa Odaǵyndaǵy senimdi ári ýaqyt tezinen ótken seriktesi.
Memleketter basshylary ekijaqty qarym-qatynasty, atap aıtqanda, saýda-ekonomıka jáne mádenı-gýmanıtarlyq salalardaǵy baılanystardy odan ári damytýǵa beıil ekenin jetkizdi. Sonymen qatar farmatsevtıka, ónerkásiptik mashına jasaý jáne ınjenerııa sııaqty salalarda fın kompanııalarymen birlese qolǵa alǵan jobalardyń tabysty júzege asyrylyp jatqanyn atap ótti.
Budan bólek, taraptar halyqaralyq jáne óńirlik kún tártibindegi ózekti máseleler, sondaı-aq kópjaqty qurylymdar aıasyndaǵy yqpaldastyq jóninde pikir almasty. Qazaqstan Prezıdenti Fınlıandııanyń EQYU-ǵa tóraǵalyq etý isine tabys tiledi.
Kelissózder qorytyndysy boıynsha Qazaqstan men Fınlıandııa prezıdentteri bir-birine saparmen barýǵa kelisti. Bul saparlar Astana men Helsınkı arasyndaǵy saıası jáne ekonomıkalyq seriktestikti nyǵaıtýǵa tyń serpin beredi.
Eske salaıyq, búgin Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi.
