Qasym-Jomart Toqaev Eýropalyq Keńes prezıdenti Antonıý Koshtamen kezdesti
TAShKENT. KAZINFORM – «Ortalyq Azııa – Eýropa Odaǵy» sammıtine qatysý úshin Samarqand qalasyna kelgen Qasym-Jomart Toqaev Eýropalyq Keńes prezıdenti Antonıý Koshtamen kezdesti. Bul týraly Aqordanyń baspasóz qyzmeti habarlady.
Eýropa Odaǵy Qazaqstannyń iri saýda seriktesi ári sheteldik ınvestory sanalady. Elimizge shetelden tartylǵan tikeleı ınvestıtsııanyń 40 paıyzdan astamy atalǵan uıymǵa tıesili. Byltyr Qazaqstan men Eýropa Odaǵyna múshe elderdiń taýar aınalymy 50 mıllıard dollarǵa jýyqtady. Bul Eýropa Odaǵy men Ortalyq Azııa elderi arasyndaǵy saýda-sattyq kóleminiń 80 paıyzyn quraıdy.
Kezdesýde ekonomıkanyń túrli sektorlaryndaǵy kópjosparly yntymaqtastyqty odan ári nyǵaıtý máseleleri qaraldy.
Qasym-Jomart Toqaev pen Antonıý Koshta ózara senimge, strategııalyq múddege jáne uzaqmerzimdi perspektıvaǵa negizdelgen Qazaqstan men Eýropalyq Keńes arasyndaǵy seriktestikti qarqyndy damytýdyń mańyzyn atap ótti.
Buǵan deıin Memleket basshysynyń Samarqand qalasyna barǵanyn jazǵan edik.