Qasym-Jomart Toqaev Eýropalyq keńes Prezıdenti Antonıý Koshtamen beıresmı kezdesý ótkizdi
ASTANA. KAZINFORM – Bul týraly Aqordanyń baspasóz qyzmeti habarlady.
- Eýropa Odaǵy jetekshilerimen kelissóz aldynda Memleket basshysy Qasym-Jomart Toqaev Eýropalyq keńes Prezıdenti Antonıý Koshtamen beıresmı kezdesý ótkizdi,-delingen habarlamada.
Aıta keteıik, Memleket basshysy Brıýsselge resmı saparmen bardy. Qazaqstan Prezıdentiniń kelýine oraı Belgııa astanasynyń áýejaıynda Qurmet qaraýyly rotasy sap túzedi. Qasym-Jomart Toqaevty Eýropa Odaǵynyń Ortalyq Azııa boıynsha arnaıy ókili Edýards Stıpraıs pen basqa da resmı tulǵalar qarsy aldy.
Osyǵan deıin Eýropalyq keńestiń shtab-páterinde Eýropa Odaǵynyń basshylary Antonıý Koshtamen jáne Ýrsýla fon der Lıaıenmen ekijaqty kelissózder júrgiziletini týraly jazdyq.
Brıýsselge resmı sapary barysynda Qasym-Jomart Toqaev qazirgi ýaqytta Belgııada bilim alyp, jumys istep jatqan Qazaqstan azamattarymen kezdesti.
