Qasym-Jomart Toqaev Dúnıejúzilik kóshpendiler oıyndarynyń ashylý saltanatyna qatysty
BІShKEK. KAZINFORM -Prezıdent Qasym-Jomart Toqaev Bishkekte ótip jatqan VI Dúnıejúzilik kóshpendiler oıyndarynyń ashylý saltanatyn tamashalady, dep habarlaıdy Aqordanyń baspasóz qyzmeti.
Bıyl jarystar 31 tamyz ben 6 qyrkúıek aralyǵynda Qyrǵyz Respýblıkasynyń Ystyqkól oblysynda ótedi.
Dodada 100-den astam elden 3 myńǵa jýyq sportshy baq synaıdy. Saıystyń 43 túrinen, sonyń ishinde qazaq halqynyń ulttyq sport túrlerinen júldeler sarapqa salynady.
Qazaqstannyń atynan 150-den astam sportshy synǵa túsedi. Otandastarymyz 43 sport túriniń barlyǵynda óner kórsetedi.
Aıta keteıik, osyǵan deıin Qasym-Jomart Toqaev Qyrǵyzstan Prezıdenti Sadyr Japarovtyń shaqyrýymen Shanhaı yntymaqtastyq uıymyna múshe memleketter basshylary keńesiniń 26-otyrysyna jáne «ShYU+» formatyndaǵy kezdesýge qatysý úshin Bishkek qalasyna jumys saparymen bardy.
