Qasym-Jomart Toqaev Digital Bridge 2023 halyqaralyq tehnologııa forýmyn ashty
Memleket basshysy Qasym-Jomart Toqaev jyl saıyn ótetin Digital Bridge 2023 halyqaralyq tehnologııalyq forýmyn ashty, dep habarlaıdy Kazinform.
«Búgingi sharanyń taqyryby — óte ózekti. Jasandy ıntellekt budan bylaı ǵylymı fantastıka emes, ómirdiń aqıqatyna aınaldy. Jańa dáýirdiń bastalǵanyna kýá bolyp otyrmyz. Kezinde elektr jaryǵy men ınternetti oılap tabý tirshiligimizdi qalaı túbegeıli ózgertse, jasandy ıntellekti tehnologııasynyń yqpaly da dál sondaı orasan zor», — dedi Memleket basshysy.
Prezıdent jasandy ıntellekt adamzattyń turmys saltyn múldem basqa arnaǵa buryp, jumys protsesterin avtomattandyrady jáne aýqymdy ekonomıkalyq qundylyq qalyptastyra alatynyn aıtty.
«Keıbir sarapshylardyń baǵalaýynsha, jasandy ıntellektiniń jahandyq ekonomıkaǵa qosatyn eleýli úlesi — dúnıejúzilik JІÓ-niń tórtten bir bóligine parapar. Atalǵan tehnologııanyń keń qoldanysqa ıe bolýy Qazaqstannyń qarqyndy damýynda mańyzdy ról atqara alady. Sondyqtan qysqa merzim ishinde jasandy ıntellektini damytý úshin barlyq jaǵdaıdy jasaý qajet», — dedi Qasym-Jomart Toqaev.
