Qasym-Jomart Toqaev CNNC kompanııasynyń bas dırektoryn qabyldady

ASTANA. KAZINFORM – Prezıdent Qytaı ulttyq ıadrolyq ónerkásip korporatsııasynyń (CNNC) bas dırektory Shen ıAnfendi qabyldady, - dep habarlaıdy Aqorda.

Qasym-Jomart Toqaev Shen ıAnfendi Qytaı atom ónerkásibine 70 jyl tolýymen quttyqtap, bul mereıli meje atalǵan saladaǵy dıalogty odan ári nyǵaıtýǵa jol ashatynyn atap ótti.

Memleket basshysy Tóraǵa Sı Tszınpınmen júrgizgen kelissóz barysynda atom ındýstrııasyndaǵy yntymaqtastyqqa aıryqsha mán berilip, mańyzdy ýaǵdalastyqtarǵa qol jetkizilgenin aıtty.

Prezıdent tájirıbesi mol ári tehnologııasy ozyq CNNC kompanııasymen birlesken jobalar, sonyń ishinde elimizdegi ekinshi atom elektr stansasynyń qurylysy tabysty júzege asyrylatynyna senim bildirdi.

Prezıdent buǵan deıin Nı Chjenmen elektr qýatyn óndirý, energetıkaǵa qatysty máseleni talqylady.