Qasym-Jomart Toqaev BUU Bas hatshysymen kezdesý ótkizdi
NЬıÝ-IORK. KAZINFORM — Qazaqstan Respýblıkasynyń Prezıdenti men Bas hatshy Antonıý Gýterrısh BUU Bas Assambleıasy sessııasynyń kún tártibin talqylady. Bul týraly Aqordanyń baspasóz qyzmeti habarlady.
Qasym-Jomart Toqaev Qazaqstan Uıymǵa aldaǵy ýaqytta da qoldaý kórsetip, onyń beıbitshilik pen turaqtylyqty nyǵaıtý, ornyqty damý isinde jetekshi ról atqara berýine belsendi túrde atsalysatynyn aıtty.
Kezdesý aıasynda Memleket basshysynyń jáne Bas hatshynyń qatysýymen Almatydaǵy Ortalyq Azııa men Aýǵanstan úshin BUU-nyń Ornyqty damý maqsattary jónindegi Óńirlik ortalyǵynyń qyzmeti týraly memorandýmǵa qol qoıyldy.
Buǵan deıin Prezıdent Sitigroup kompanııasynyń bas atqarýshy dırektory Djeın Freızerdi qabyldady.
Sondaı-aq Memleket basshysy ExxonMobil korporatsııasynyń basqarma tóraǵasy jáne bas atqarýshy dırektory Darren Výdspen Teńiz ben Qashaǵannyń bolashaǵyn talqylady.