Qasym-Jomart Toqaev BUU Bas Assambleıasynyń mereıtoılyq sessııasynda sóz sóıleıdi

ASTANA. KAZINFORM — Birikken Ulttar Uıymynyń Qaýipsizdik Keńesin reformalaıtyn kez keldi. Bul týraly Prezıdent Qasym-Jomart Toqaev Qazaqstan halqyna Joldaýy barysynda aıtty. 

— Ekinshi aıtýly data — Ekinshi dúnıejúzilik soǵystyń basty ınstıtýtsıonaldyq qorytyndysy sanalatyn Birikken Ulttar Uıymynyń 80 jyldyǵy. Birikken Ulttar Uıymyna áli kúnge deıin esh balama joq. Qazaqstan ony kókeıkesti halyqaralyq máseleniń bárin ádil sheshý jolyndaǵy negizgi kelissóz orny bola berýge tıis dep sanaıdy. Degenmen Birikken Ulttar Uıymyn, ásirese, onyń eń basty organy — Qaýipsizdik Keńesin reformalaıtyn kez keldi, — dedi Qasym-Jomart Toqaev.

Osy oraıda Prezıdent taıaý arada tıisti usynysyn jarııalaıtynyn aıtty.

— Men jaqynda Nıý-Iork qalasynda Birikken Ulttar Uıymy Bas Assambleıasynyń mereıtoılyq sessııasynda sóz sóıleımin. Basqosýda halyqaralyq ahýalǵa, sonyń ishinde Birikken Ulttar Uıymyn reformalaýǵa qatysty Qazaqstannyń kózqarasyn bildirmekpin, — dedi Memleket basshysy. 

Aıta ketelik Prezıdent kóptegen memleket Qazaqstanmen dostyq qatynas ornatyp, tıimdi yntymaqtastyqty nyǵaıtýǵa umtylatyny týraly aıtqan edi.