Qasym-Jomart Toqaev Brıýsselge resmı saparmen barady
ASTANA. KAZINFORM — 22-23 maýsym kúnderi Memleket basshysy Qasym-Jomart Toqaev Eýropalyq Keńes Prezıdenti Antonıý Koshtanyń shaqyrýymen Brıýsselge resmı saparmen barady, dep habarlaıdy Aqordanyń baspasóz qyzmeti.
Sapar aıasynda Eýropalyq Keńes Prezıdenti Antonıý Koshtamen jáne Eýropalyq komıssııa Prezıdenti Ýrsýla fon der Lıaıenmen kelissózder josparlanǵan.
Taraptar Qazaqstan men Eýropalyq Odaq arasyndaǵy keńeıtilgen seriktestik pen yntymaqtastyqty nyǵaıtý perspektıvasyn talqylaıdy.
— Sapar baǵdarlamasynda Belgııa Premer-mınıstri Bart de Vevermen kezdesý qarastyrylǵan. Sonymen qatar Memleket basshysy iri eýropalyq kompanııalar jetekshileriniń qatysýymen ótetin «Qazaqstan — EO» dóńgelek ústelinde sóz sóılep, birqatar kezdesý ótkizedi, — delingen habarlamada.
Buǵan deıin Qasym-Jomart Toqaev Polsha Senatynyń Marshalyn qabyldaǵanyn jazǵanbyz.
