Qasym-Jomart Toqaev birqatar memleket elshilerinen senim gramotalaryn qabyldady
ASTANA. KAZINFORM – Aqordada alty eldiń tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti.
Senim gramotalaryn Izraıl memleketiniń elshisi Ioav Bystrıtskı; Qyrǵyz Respýblıkasynyń elshisi Qudaıbergen Bazarbaev,Kýba Respýblıkasynyń elshisi Alfredo Fedel Nıeves Portýondo, Lıvan Respýblıkasynyń elshisi Djordj Abý Zeıd, Zımbabve Respýblıkasynyń elshisi Mark Greı Marongve, Somalı Federatıvtik Respýblıkasynyń elshisi Fathýdın Alı Mohamed tapsyrdy.
Prezıdent Qazaqstan barlyq memleketpen dostyq qarym-qatynas ornatqan beıbit el ekenine toqtaldy.
Sondaı-aq Qasym-Jomart Toqaev Qazaqstannyń ishki saıasatynda qolǵa alynǵan bastamalar jóninde áńgimeledi. Bul jumystar Ádiletti Qazaqstandy qurýǵa, «Zań jáne tártip» qaǵıdatyna negizdelgenin aıtty.
Memleket basshysy elshilerdi dıplomatııalyq mıssııalarynyń resmı túrde bastalýymen quttyqtap, Qazaqstan tarapy olardyń qyzmetine jan-jaqty qoldaý kórsetýge daıyn ekenin jetkizdi.
Aıta keteıik, Prezıdent 2028 jylǵy Olımpıada oıyndaryna daıyndyq josparymen tanysty.