Qasym-Jomart Toqaev birneshe memlekettiń elshisinen senim gramotasyn aldy
ASTANA. KAZINFORM – Aqordada 8 memlekettiń tótenshe jáne ókiletti elshileri men Birikken Ulttar Uıymy ókiliniń Qazaqstan Prezıdentine senim gramotalaryn tapsyrý rásimi ótti.
Senim gramotalaryn:
Ýkraına elshisi Vıktor Maıko;
BUU-nyń Qazaqstan Respýblıkasyndaǵy turaqty ókili Sarangoo Radnaaragchaa;
Úndistan Respýblıkasynyń elshisi ıA.K. Saılas Tangal;
Aljır Halyqtyq Demokratııalyq Respýblıkasynyń elshisi Osman Mıhadjı;
Shvetsııa Koroldiginiń elshisi Lars Stefan Erıksson;
Belgııa Koroldiginiń elshisi Erık de Maıer;
Ulybrıtanııa jáne Soltústik Irlandııa Birikken Koroldiginiń elshisi Sallı Djeın Aksýorsı;
Latvııa Respýblıkasynyń elshisi Datse Rýtka;
Grýzııa Respýblıkasynyń elshisi Levan Dıasamıdze tapsyrdy.
Prezıdent dıplomattarǵa Qazaqstannyń kóp vektorly jáne teńgerimdi syrtqy saıasat júrgizip otyrǵanyn jetkizdi. Memleket basshysy elimizdiń konstrýktıvti dıalog pen ózara tıimdi yntymaqtastyqqa ashyq ekenin aıtyp, jańadan taǵaıyndalǵan elshiler Qazaqstanmen seriktestik baılanystardy nyǵaıtý men keńeıtý isine belsendi túrde úles qosatynyna senim bildirdi.
Qasym-Jomart Toqaev elshilerdi dıplomatııalyq mıssııalarynyń resmı túrde bastalýymen quttyqtap, olardyń memleketteriniń basshylaryna ystyq yqylasyn joldady.