Qasym-Jomart Toqaev birqatar memlekettiń basshysymen telefon arqyly sóılesti
ASTANA. KAZINFORM – Memleket basshysy Reseı prezıdenti Vladımır Pýtınmen, Ózbekstan prezıdenti Shavkat Mırzıeevpen, Ázerbaıjan prezıdenti Ilham Álıevpen, Armenııa premer-mınıstri Nıkol Pashınıanmen telefon arqyly sóılesti. Bul týraly Aqordanyń baspasóz qyzmeti habarlady.
Memleket basshylary Prezıdent Qasym-Jomart Toqaevty týǵan kúnimen quttyqtap, Qazaqstan halqynyń ıgiligi jolyndaǵy jaýapty memlekettik qyzmeti odan ary tabysty bolýyna tilektestikterin bildirdi.
Sonymen qatar taraptar ekijaqty jáne san qyrly kún tártibindegi ózekti máselelerdi talqylady.
Eske sala keteıik, osyǵan deıin Qasym-Jomart Toqaevtyń týǵan kúnine oraı quttyqtaý hattary kelip túsken bolatyn.
