Qasym-Jomart Toqaev 14 óńirde Tomorrow School jelisin ashty
ASTANA. KAZINFORM – Memleket basshysy birqatar bilim berý bastamasyn iske qosý rásimine qatysty. Bul týraly Aqordanyń baspasóz qyzmeti habarlady.
Prezıdenttiń tapsyrmasymen 2024 jyly Astana Hub janynan Tomorrow School jasandy ıntellekt mektebi qurylǵan bolatyn. Endi onyń tabysty tájirıbesi el kóleminde taratylmaq.
Memleket basshysy telekópir arqyly 14 óńirdegi Tomorrow School mektepteriniń jelisin ashty.
Bul mektepte kámelet jastan asqan, sonyń ishinde aqparattyq tehnologııa salasyna jańa qadam basqan azamattar tegin bilim alady.
Taǵy bir bilim berý alańy – tsıfrlyq jáne shyǵarmashylyq daǵdylardy meńgergisi keletin 12-18 jas aralyǵyndaǵy balalar men jasóspirimderge arnalǵan TUMO Astana kreatıvti tehnologııalar ortalyǵy.
Munda generatıvti jasandy ıntellekt, baǵdarlamalaý, oıyn oılap tabý, anımatsııa, 3D-modeldeý, robotty tehnıka, kınoónim jáne tsıfrlyq mýzyka sekildi 11 tehnıkalyq jáne kreatıvti baǵyt boıynsha bilim beriledi.
Eske sala keteıik, buǵan deıin Prezıdent Alem.ai halyqaralyq jasandy ıntellekt ortalyǵyn aralady.
