Qasym-Jomart Toqaev Brazılııa Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Lýıs Inasıý Lýla da Sılva men onyń otandastaryn ulttyq mereke — Táýelsizdik kúnimen quttyqtady.
Aqordanyń baspasóz qyzmetiniń habarlaýynsha, Prezıdent Qazaqstan Brazılııamen dostyq qarym-qatynasty odan ári nyǵaıtýǵa basa mán beretinin atap ótti.
Sonymen qatar birlesken kúsh-jigerdiń arqasynda eki eldiń yntymaqtastyǵy halyqtarymyzdyń ıgiligi jolynda qarqyndy túrde damı túsetinine senim bildirdi.
Qasym-Jomart Toqaev Lýıs Inasıý Lýla da Sılvanyń jaýapty memlekettik qyzmetine tabys, al Brazılııa halqyna baq-bereke tiledi.
Eske salaıyq, buǵan deıin Prezıdent Qasym-Jomart Toqaev aqyn Valerıı Mıhaılovty 80 jasqa tolýymen quttyqtaǵan edi.
