15:44, 01 Qazan 2025 | GMT +5
Qasym-Jomart Toqaev bir top ustazdy memlekettik nagradamen marapattady
ASTANA. KAZINFORM - Qasym-Jomart Toqaev bilim berý salasyna qosqan eleýli úlesi jáne Qazaqstan Respýblıkasyna sińirgen aıryqsha eńbegi úshin bir top ustazdy memlekettik nagradamen marapattady, dep habarlaıdy Aqordanyń baspasóz qyzmeti.
Prezıdent marapattardy Ustazdar kúnine arnalǵan jıyn barysynda berdi.
Prezıdent qolynan mektep muǵalimderimen birge kolledj jáne joǵary oqý oryndarynyń oqytýshylary, sondaı-aq erekshe qajettiligi bar balalarmen jumys isteıtin mamandar da marapat aldy.
Osyǵan deıin Qazaqstan Prezıdenti Qasym-Jomart Toqaev ustazdardy kele jatqan kásibı merkelerimen quttyqtaǵan bolatyn.
Memleket basshysy muǵalimderdiń kásibı merekesi elimizde erekshe atalyp ótetinin jetkizip, ustazdar qaýymyna zor qurmet kórsetiletinin aıtty.
