Qasym-Jomart Toqaev beıbitshilik qozǵalysy ıdeıasyn talqylaýdy usyndy

ASTANA. KAZINFORM – Álemdik jáne dástúrli dinder kóshbasshylary VIII Ceziniń jalpy otyrysynda Memleket basshysy Qasym-Jomart Toqaev beıbitshilik qozǵalysy ıdeıasyn talqylaýdy usyndy.

- Rýhanı dıplomatııa áleýetin halyqaralyq jáne óńirlik uıymdar deńgeıinde iske qosý mańyzdy dep sanaımyz. Sezd aıasynda buǵan deıin men jarııa etken beıbitshilik qozǵalysy ıdeıasyn talqylaýdy usynamyn. Dinı ıerarhııalar zorlyq-zombylyqty toqtatýǵa jáne beıbit sheshimderdi izdeýge baǵyttalǵan beıtarap ári saıasattandyrylmaǵan úndeýimen osy qozǵalystyń moraldyq ózegine aınala alar edi. Ómir qasıeti, janashyrlyq pen meıirimdilik sııaqty ortaq adamzattyq qundylyqtarǵa negizdelgen bul bastama tek keń aýqymdy dindar qaýymdy ǵana emes, sonymen qatar saıasatkerlerdi, halyqaralyq uıymdardyń ókilderin, memlekettik qurylymdardy, sarapshylardy jáne, árıne, jastardy da biriktire alar edi, - dedi Memleket basshysy.

Prezıdent beıbitshilikti qorǵaý jolyndaǵy ún qatý anaǵurlym tabandy bolýǵa tıis ekenin, al Sezd syndy alańdar osyǵan yqpal etýi tıistigin basa aıtty.

Sondaı-aq, Qasym-Jomart Toqaev BUU-ǵa múshe memleketterge Qazaqstannyń Ortalyq Azııa men Aýǵanstan úshin Almatyda turaqty damý maqsattary jónindegi óńirlik ortalyq qurý týraly bastamasyna qoldaý bildirgenine rızashylyq tanytty.

Munan bólek, Memleket basshysy óńirlik qurylymdardyń – AÓSShK, IYU, EQYU, ShYU, TMD, ASEAN jáne Arab memleketteri lıgasynyń rólin nyǵaıtýǵa tıisti deńgeıde kóńil bólý qajet ekenin atap ótti.

Astanada Álemdik dinder kóshbasshylarynyń sezi ótip jatyr.

Іs-shara barysynda Qasym-Jomart Toqaev din basshylaryn beıbitshilik elshileri dep atady.