Qasym-Jomart Toqaev Bekzat Sattarhanov atyndaǵy sport keshenin aralap kórdi
ASTANA. KAZINFORM — Memleket basshysy jeke ınvestordyń qarjysyna salynyp, bıyl paıdalanýǵa berilgen kópfýnktsııaly ǵımarattyń qyzmetimen tanysty. Bul týraly Aqordanyń baspasóz qyzmeti habarlady.
Elordada ornalasqan keshende túrli deńgeıdegi sporttyq is-sharalar, sondaı-aq halyqqa arnalǵan saýyqtyrý jáne demalys baǵdarlamalary uıymdastyrylady.
Nysan aýmaǵynda fýtzal, voleıbol men basketbol alańdary, boks, dzıýdo, qazaq kúresi jáne basqa da sport túrlerimen shuǵyldanýǵa arnalǵan jekpe-jek zaldary bar.
Prezıdent buqaralyq sportty damytý úshin osyndaı keshenderdi kóptep salý qajet ekenin aıtty. Sondaı-aq jas boksshylarmen jáne fýtbolshylarmen áńgimelesip, olardyń keleshekte álem, olımpıada chempıondary bolýyna tilektestik bildirdi.
– Bul úshin, eń aldymen, eńbek etý kerek, tabandylyq qajet. Jeńiske tek eńbekqorlyq qana jetkizedi, – dedi Memleket basshysy.
Prezıdent Qasym-Jomart Toqaev jas boksshylarmen áńgimelesip, olardyń keleshekte álem, olımpıada chempıondary bolýyna tilektestik bildirdi.
Aıta ketelik grek-rım kúresinen Azııa chempıonatynda qazaqstandyq jastar 3 altyn aldy.