Qasym-Jomart Toqaev Bavarııa Premer-mınıstrimen kezdesti
ASTANA. KAZINFORM — Memleket basshysy Qasym-Jomart Toqaev Bavarııaǵa shaqyryp, qonaqjaılyqpen qarsy alǵany úshin Premer-mınıstr Markýs Zederge alǵys aıtty. Bul týraly Aqorda habarlady.
– Bavarııanyń ózine tán ereksheligin, ekonomıkalyq qýatyn, ınnovatsııalyq áleýetin joǵary baǵalaımyn. Keshe Federaldyq Prezıdent Frank-Valter Shtaınmaıermen jáne Federaldyq Kantsler Frıdrıh Mertspen óte mazmundy kelissózder júrgizdim. Ýaǵdalastyqtarymyzdy naqty nátıjege aınaldyrýǵa nıettimin ári atalǵan máselede Bavarııany basty seriktes retinde qarastyramyn. Bul – ónerkásip pen ǵylymdaǵy óziniń ozyq jetistikterin dástúrge degen aıryqsha qurmetimen ushtastyrǵan óńir. Osy arqyly Bavarııa Germanııa ekonomıkasyn alǵa súırep, ekonomıkamyzdy jańǵyrtý men ártaraptandyrýda Qazaqstannyń senimdi seriktesi bolyp otyr, – dedi Memleket basshysy.
Qasym-Jomart Toqaevtyń aıtýynsha, Bavarııanyń tehnologııalyq tabystary men Qazaqstannyń resýrstyq jáne ónerkásiptik áleýetin biriktirýge aıtarlyqtaı múmkindik bar.
Elderimizdiń ekonomıkalyq yqpaldastyǵyn jandandyryp, halyqtarymyzdy bir-birine jaqyndata túsýde kólik baılanysyn jaqsartýdyń da mańyzy zor.
Premer-mınıstr Markýs Zeder jańa ósim baǵyttaryn izdeýge aıryqsha mán beretin Bavarııa Qazaqstanmen san qyrly yntymaqtastyqty nyǵaıtýǵa múddeli ekenin jetkizdi.
Sondaı-aq ol elimizde tabysty jumys istep jatqan bavarııalyq kompanııalarǵa kórsetken qoldaýy úshin Qazaqstan Prezıdentine rızashylyǵyn bildirdi.
Kezdesý sońynda Memleket basshysy Bavarııa Premer-mınıstrimen qonaqjaı qazaq jerinde júzdesýdi asyǵa kútetinin aıtty.
asym-Jomart Toqaev Siemens AG kompanııasynyń kommertsııa jáne qarjy máseleleri jónindegi vıtse-prezıdenti Bernd Ýlbrıhtty qabyldaǵanyn jazǵan edik.
