Qasym-Jomart Toqaev Bangladesh Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Mırza Fahrýl Islam Alamgırdi Bangladesh Halyq Respýblıkasynyń Prezıdenti laýazymyna saılanýymen quttyqtady.
— Elińizdiń áleýmettik-ekonomıkalyq damýyna jáne halyqtyń ál-aýqatyn arttyrýǵa baǵyttalǵan josparlaryńyz ben bastamalaryńyzdy tabysty iske asyrýyńyzǵa tilektespin. Dostyq pen ózara túsinistikke negizdelgen yntymaqtastyqty nyǵaıtý úshin birlese jumys júrgizýge ázir ekenimdi rastaımyn, — dep jazylǵan jedelhatta.
Qasym-Jomart Toqaev Mırza Fahrýl Islam Alamgırdiń jaýapty qyzmetine tabys, al dostas Bangladesh halqyna qut-bereke tiledi.
Eske salaıyq, buǵan deıin Prezıdent Qasym-Jomart Toqaev Quryltaı saılaýynda daýys bergenin habarlaǵanbyz.
