19:33, 10 Jeltoqsan 2024 | GMT +5
Qasym-Jomart Toqaev balalar fýtbol akademııasyn aralap kórdi
AQTÓBE. KAZINFORM - Prezıdent Aqtóbe qalasyndaǵy «Hımık» stadıonynyń bazasynda ashylǵan balalar fýtbol akademııasyna bardy, dep habarlaıdy Aqordanyń baspasóz qyzmeti.
Zamanaýı úlgide jabdyqtalǵan nysanda jyl boıy sportpen aınalysýǵa jaǵdaı jasalǵan. Akademııada qazir 780 bala úzdik halyqaralyq tájirıbe boıynsha jattyǵady. Onda sport zaldary, ákimshilik, ońaltý, em-dom jáne basqa da qyzmet kórsetý kabınetteri ornalasqan.
Memleket basshysy akademııany aralap kórip, jasóspirimdermen jáne jattyqtyrýshylarmen áńgimelesti. Qasym-Jomart Toqaev balalardy zııandy áreketterden saqtaý úshin olardy sportqa kóptep tartýdyń mańyzy zor ekenin aıtty.
Prezıdent osyǵan deıin Aqtóbe oblystyq perınataldyq ortalyǵynyń qyzmetimen tanysty.
