Qasym-Jomart Toqaev Fızýlı qalasyna bardy

BAKÝ.KAZINFORM – Memleket basshysyn Fızýlı qalasynyń áýejaıynda Ázerbaıjan Prezıdenti Ilham Álıev qarsy aldy. Bul týraly Aqordanyń baspasóz qyzmeti málimdedi. 

Munda prezıdentter Qurmanǵazy atyndaǵy Balalar shyǵarmashylyǵy ortalyǵynyń ashylý saltanatyna qatysady. Sondaı-aq jergilikti halyqpen kezdesip, aldaǵy ýaqytta salynatyn Fızýlı qalalyq Ortalyq aýrýhanasynyń jobasymen tanysady.

Budan keıin eki el basshylary Shýsha qalasyndaǵy áleýmettik-mádenı jáne basqa da nysandardy aralap kóredi. 

Aıta keteıik, buǵan deıin Qazaqstan Prezıdenti Ázerbaıjan Respýblıkasyna memlekettik saparmen barǵanyn jazǵan bolatynbyz. Keshe Qasym-Jomart Toqaevty Ázerbaıjan Prezıdenti «Zagýlbada» qarsy aldy. 

Eki eldiń ózara qarym-qatynasy jáne Qasym-Jomart Toqaevtyń Ázerbaıjanǵa saparynan ne kútýge bolatynyn tilshiniń sholýynan oqı alasyz.