Qasym-Jomart Toqaev Armenııa Premer-mınıstrin Aqordada qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge resmı saparmen kelgen Armenııa Premer-mınıstri Nıkol Pashınıandy qarsy aldy.
Aldymen Qasym-Jomart Toqaev pen Nıkol Pashınıan bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Armenııa Premer-mınıstri kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Memleket basshylary qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta Memleketter basshylary joǵary deńgeıde kelissóz júrgizip jatyr. Onyń barysynda eki el arasyndaǵy ózara tıimdi yntymaqtastyqty nyǵaıtý perspektıvasy talqylanabaq.
Eske salaıyq, Armenııa Respýblıkasynyń Premer-mınıstri Nıkol Pashınıan resmı saparmen Astana qalasyna keldi.
Búgin Nıkol Pashınıan Astanada qazaqsha án tyńdap otyrǵan vıdeosyn jarııalandy.