Qasym-Jomart Toqaev arab elderiniń basshylaryna qoldaý bildirdi
ASTANA. KAZINFORM - Bul týraly Prezıdenttiń keńesshisi – baspasóz hatshysy Aıbek Smadııarov habarlady.
Qazaqstan Prezıdenti Birikken Arab Ámirlikteriniń, Saýd Arabııasynyń, Kýveıt, Qatar men Bahreınniń basshylaryna úndeý joldap, atalǵan elderdiń halqyna osynaý qıyn jáne aýyr synaq kezinde shynaıy qoldaý bildirdi.
Qasym-Jomart Toqaev Qazaqstanǵa dostyq ári baýyrlastyq qatynastaǵy elderdiń egemendigi men qaýipsizdigine nuqsan keltiretin barlyq áskerı áreketti aıyptady.
— Bizdiń el árdaıym barlyq halyqaralyq kúrdeli másele men qarýly qaqtyǵystardy tek dıplomatııalyq jolmen sheshýdi qoldaıdy, — delingen Prezıdent úndeýinde.
Memleket basshysy sondaı-aq Qazaqstan baýyrlas arab elderine kez kelgen kómekti kórsetýge daıyn ekenin aıtyp, olardyń joǵarǵy basshylarymen turaqty jumys baılanystaryn jalǵastyrýǵa úmit bildirdi.
Eske salaıyq, buǵan deıin Izraıl Iranǵa soqqy jasaǵan. Keıin Donald Tramp Iranǵa qarsy aýqymdy áskerı operatsııanyń bastalǵanyn jarııalaǵan.
Iran Izraıldiń soltústik jáne ortalyq aımaqtaryna zymyrandar atqan.
Jergilikti buqaralyq aqparat quraldarynyń Qyzyl Jarty Aıǵa silteme jasaýynsha, Iranda 201 adam qaza taýyp, 747 adam jaralanǵan.
