Qasym-Jomart Toqaev álemdik krıptoındýstrııa ókilimen kezdesý ótkizdi
ASTANA. KAZINFORM — Memleket basshysy Binance kompanııasynyń negizin qalaýshy Chanpen Chjaony qabyldady, dep habarlaıdy Aqordanyń baspasóz qyzmeti.
Digital Bridge 2025 halyqaralyq forýmy alańynda Qasym-Jomart Toqaev Binance kompanııasynyń negizin qalaýshy Chanpen Chjaomen kezdesti.
— Prezıdent álemdik krıptovalıýta ındýstrııasy men qarjy tehnologııasynyń ekojúıesin qalyptastyrýǵa Chanpen Chjaonyń qosqan úlesin joǵary baǵalady. Onyń 2022 jyly Qazaqstanǵa jasaǵan saparynyń qorytyndysy boıynsha Binance Lab bazasynda krıptoındýstrııanyń óńirlik habyn ashý jónindegi memorandýmǵa qol qoıyldy. Sol sátten beri elimizde blokcheın jáne krıptotehnologııa salalarynda kóptegen perspektıvti jobalar men bastamalar iske asyrylyp keledi, — delingen habarlamada.
Osyǵan deıin Memleket basshysy Telegram negizin qalaýshy Pavel Dýrovty qabyldaǵanyn jazǵan edik.