Qasym-Jomart Toqaev Aleksandr Výchıchti bıyl Qazaqstanǵa resmı saparmen kelýge shaqyrdy
ASTANA. KAZINFORM – Memleket basshysy Serbııa Prezıdenti Aleksandr Výchıchpen telefon arqyly sóılesti. Bul týraly Aqordanyń baspasóz qyzmeti habarlady.
Qasym-Jomart Toqaev pen Aleksandr Výchıch ekijaqty yntymaqtastyqtyń damý qarqynyn joǵary baǵalap, qazaq-serb qarym-qatynastaryn odan ári nyǵaıtýǵa nıetti ekenin jetkizdi.
Taraptar Qazaqstan Prezıdentiniń 2024 jylǵy qarasha aıynda Belgradqa resmı sapary barysynda qol jetkizilgen ýaǵdalastyqtardy júzege asyrý barysyn talqylady.
Memleketter basshylary saýda-ekonomıkalyq jáne ınvestıtsııalyq baılanystardy jandandyrýdyń, sonyń ishinde ónerkásip, energetıka, qurylys, aýyl sharýashylyǵy, tsıfrlandyrý, kólik jáne logıstıka salalaryndaǵy birlesken bastamalardy naqty iske asyrýdyń mańyzyn atap ótti.
Qasym-Jomart Toqaev Aleksandr Výchıchti bıyl Qazaqstanǵa resmı saparmen kelýge shaqyrdy.
Aıta ketelik Memleket basshysy Serbııa Prezıdentine quttyqtaý jedelhatyn joldaǵan edi.