Qasym-Jomart Toqaev aldynda turǵan maqsatty atady

— Biz aldaǵy ýaqytta da halyqtyń ál-aýqatyn jaqsartý úshin tabandy eńbek ete beremiz. Halyqaralyq yntymaqtastyqty tereńdetip, elimizge keletin ınvestıtsııa kólemin ulǵaıtýymyz qajet. Ózderińizge málim, men memleketimizdiń basshysy retinde halyqaralyq jıyndarǵa jıi qatysyp, kóptegen elderdiń kóshbasshylarymen, ınvestorlarmen kezdesýler ótkizip júrmin, — dedi Qasym-Jomart Toqaev.

Prezıdent Astanada da joǵary deńgeıdegi is-sharalardy ótkizip, memleket basshylarymen jáne halyqaralyq uıym jetekshilerimen kelissózder júrgizetinin atap ótti.

— Aldymda turǵan maqsat — aıqyn: bul — Qazaqstandy orta derjava retinde búkil dúnıe júzine meılinshe keń aýqymda pash etý, tarıhymyz ben mádenıetimizdi halyqaralyq qaýymdastyq deńgeıinde dáripteý, memleketimizdiń múddesin qorǵaý jáne elimizdiń áleýetin jan-jaqty nasıhattaý. Basqa oıym joq. Sondyqtan munyń bárin búkil halqymyzdyń maqsaty dep kúmánsiz aıtýǵa bolady, — dedi Memleket basshysy.

Aıta keteıik, keshe Halyq Keńesiniń uıymdastyrýshylyq otyrysy ótti. Jıynda Memleket basshysy Qasym-Jomart Toqaev Qazaqstan Halyq Keńesi tóraǵasy qyzmetine Erlan Qoshanovtyń kandıdatýrasyn usyndy.