Qasym-Jomart Toqaev AQSh Prezıdentiniń shaqyrýymen Davos qalasyna jumys saparymen barady

ASTANA. KAZINFORM - 22 qańtar kúni Memleket basshysy Qasym-Jomart Toqaev AQSh Prezıdenti Donald Tramptyń shaqyrýymen Beıbitshilik keńesiniń Jarǵysyna qol qoıý rásimine qatysý úshin Davos qalasyna jumys saparymen barady.

Bul týraly Aqordanyń baspasóz qyzmeti habarlady.

Aıta keteıik, osyǵan deıin AQSh prezıdenti Donald Tramp Gaza boıynsha Beıbitshilik keńesi qurylatynyn málimdegen bolatyn.

Donald Tramp Memleket basshysy Qasym-Jomart Toqaevty Gaza boıynsha qurylatyn Beıbitshilik keńesiniń quramyna kirýge resmı shaqyryp, al Qazaqstanǵa quryltaıshy memleketterdiń biri bolýdy usyndy.

«Beıbitshilik keńesi» jarǵysyna Davosta 22 qańtar kúni qol qoıylatynyn habarladyq.