Qasym-Jomart Toqaev AQSh Prezıdentine quttyqtaý jedelhatyn joldady

ASTANA. KAZINFORM — Memleket basshysy Amerıka Qurama Shtattarynyń Prezıdenti Donald Trampty týǵan kúnimen quttyqtady.

Qasym-Jomart Toqaev Amerıka kóshbasshysynyń jahandyq qaýipsizdik pen turaqtylyqty saqtaý jolyndaǵy belsendi ári pragmatıkalyq qyzmetin joǵary baǵalaıtynyn atap ótti.

Memleket basshysy AQSh Prezıdentine Qazaqstanmen strategııalyq seriktestikti nyǵaıtýdy kózdeıtin ustanymy úshin rızashylyǵyn jetkizdi. Sonymen qatar elimizdiń Qurama Shtattarmen ózara tıimdi yntymaqtastyqty odan ári damytýǵa múddeli ekenin rastady.

Qasym-Jomart Toqaev Donald Tramptyń denine saýlyq jáne jaýapty memlekettik qyzmetine tolaǵaı tabys tiledi.

Aıta keteıik, Prezıdent ExxonMobil korporatsııasynyń basqarma tóraǵasyn qabyldady.