Qasym-Jomart Toqaev AQSh pen Iran qol jetkizgen kelisimdi quptady
ASTANA. KAZINFORM - Prezıdent Qasym-Jomart Toqaev Amerıka Qurama Shtattary men Iran Islam Respýblıkasy qol jetkizgen kelisimdi quptady, dep habarlaıdy Aqordanyń baspasóz qyzmeti.
– Halyqaralyq ahýal kúrdeli qazirgi kezeńde aımaq jáne álemdik qoǵamdastyq úshin mundaı kelisimniń mańyzy zor. Biz taraptardyń saıası erik-jigerin joǵary baǵalaımyz. Bul ózara senimdi qalpyna keltirip, eki jaqqa da tıimdi sheshim qabyldaýǵa múmkindik berdi. Syn sátte batyl áreket etip, strategııalyq kóregendik tanytqan AQSh Prezıdenti Donald Tramptyń kóshbasshylyǵyn erekshe atap ótemiz. Sonymen qatar Iran Islam Respýblıkasy jetekshiliginiń konstrýktıvti ustanymyn qýattaımyz. Qazaqstan osy beıbit kelisimge qol qoıý Taıaý Shyǵysta jáne odan tysqary jerlerde beıbitshilik pen turaqtylyqtyń berik negizin qalaıtynyna senim artady, – dep jazdy Memleket basshysy X paraqshasynda.
Osyǵan deıin Eýropanyń jetekshi elderi AQSh pen Iran arasyndaǵy kelisimge qatysty ún qatqan bolatyn.
