Qasym-Jomart Toqaev AQSh elshisimen ekijaqty yntymaqtastyq máselelerin talqylady
ASTANA. KAZINFORM — Memleket basshysy Qasym-Jomart Toqaev Amerıka Qurama Shtattarynyń Qazaqstan Respýblıkasyndaǵy elshisi Djýlı Stafftty qabyldady, dep habarlaıdy Aqordanyń baspasóz qyzmeti.
Prezıdent Qazaqstan men Amerıkanyń joǵary deńgeıdegi qarqyndy saıası dıalogy ekijaqty jáne kópjaqty formattaǵy san qyrly yntymaqtastyqty nyǵaıtýǵa septigin tıgizip kele jatqanyna toqtaldy.
— Kezdesý barysynda saýda-ekonomıka, ınvestıtsııa salalaryndaǵy mańyzdy ýaǵdalastyqtardy júzege asyrý barysy talqylandy. Naqty nátıjege qol jetkizý úshin eki eldiń salalyq vedomstvolary deńgeıinde tyǵyz qarym-qatynasty jalǵastyrý qajettigi aıtyldy, — delingen habarlamada.
Sonymen qatar Qasym-Jomart Toqaev pen Djýlı Stafft Beıbitshilik keńesi aıasyndaǵy yqpaldastyq máseleleri jóninde pikir almasty.
AQSh elshisi atalǵan Uıymnyń izgi maqsatyn ilgeriletýge belsene atsalysqany úshin Qazaqstan tarapyna rızashylyǵyn bildirdi.
Buǵan deıin Aqordada Memleket basshysy Qasym-Jomart Toqaev elimizge resmı saparmen kelgen Serbııa Prezıdenti Aleksandr Výchıchti qarsy alǵanyn jazǵan edik.