Qasym-Jomart Toqaev Aqordada Pol Kagameni qarsy aldy
ASTANA. QazAqparat – Memleket basshysy Qasym-Jomart Toqaev Aqordada Qazaqstanǵa resmı saparmen kelgen Rýanda Prezıdenti Pol Kagameni qarsy aldy.
Aldymen Qasym-Jomart Toqaev pen Pol Kagame bir-birine resmı delegatsııa múshelerin tanystyrdy. Osydan keıin mártebeli meımannyń saparyna oraı Saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi. Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Pol Kagame kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta joǵary deńgeıdegi kelissóz júrip jatyr.
Buǵan deıin Aqordada Rýanda Prezıdentiniń sapar aıasynda ekijaqty yntymaqtastyqty damytý perspektıvasy talqylanyp, birqatar qujatqa qol qoıylatyndyǵyn málim etken edi.
Aıta keteıik, Kazinform tilshisi Qazaqstan men Rýanda Prezıdentteri kezdesýiniń máni men tıimdi múmkindigin saralap kórgen bolatyn.