Qasym-Jomart Toqaev Aqordada Koreıa Respýblıkasynyń Prezıdenti ıÝn Sok Eldi qarsy aldy
ASTANA. KAZINFORM – Memleket basshysy Qasym-Jomart Toqaev Qazaqstanǵa úshkúndik memlekettik saparmen kelgen Ońtústik Koreıa Prezıdenti ıÝn Sok Eldi qarsy aldy.
Mártebeli meımannyń saparyna oraı Saltanatty rásimder zalynda qurmet qaraýyly sap túzep, onyń bastyǵy Memleket basshylaryna sálemdik baıanat berdi. Osydan keıin Prezıdenttik orkestr eki eldiń memlekettik ánurandaryn oryndady. Ánurandardy tyńdap bolǵannan keıin Qasym-Jomart Toqaev pen ıÝn Sok El kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi.
Koreıa basshysy qurmetti qaraýyl bastyǵymen qoshtasty.
Qazirgi ýaqytta Memleket basshylary shaǵyn quramdaǵy kezdesýge ótti.
Aıta keterligi, eki el basshylary qazaq-koreı bıznes-forýmyna qatysady dep josparlanǵan.
Sonymen qatar birqatar ekijaqty qujatqa qol qoıý da kózdelgen.
