Qasym-Jomart Toqaev Aqordada Kongo Prezıdentin qarsy aldy
ASTANA. KAZINFORM — Aqordada Memleket basshysy Qasym-Jomart Toqaev elimizge memlekettik saparmen kelgen Kongo Demokratııalyq Respýblıkasynyń Prezıdenti Felıks Chısekedıdi qarsy aldy.
Aldymen Qasym-Jomart Toqaev pen Felıks Chısekedı bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Kongo Demokratııalyq Respýblıkasynyń Prezıdenti kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Kongo Demokratııalyq Respýblıkasynyń Prezıdenti men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta joǵary deńgeıdegi kelissózder ótedi. Onda ekijaqty yntymaqtastyqtyń damý perspektıvalary talqylanady.
Aıta keteıik, tamyz aıynyń sońynda Memleket basshysy Kongo Prezıdentiniń arnaýly ókili Patrık Mpoıı Lýabeıany qabyldaǵan bolatyn.
