Qasym-Jomart Toqaev Aqordada Iordanııa Korolin qarsy aldy
ASTANA. KAZINFORM — Prezıdent Qasym-Jomart Toqaev Aqorda rezıdentsııasynda elimizge resmı saparmen kelgen Iordanııa Koroli II Abdalla ben ál-Hýseındi qarsy aldy.
Aldymen Qasym-Jomart Toqaev pen II Abdalla ben ál-Hýseın bir-birine resmı delegatsııa múshelerin tanystyrdy.
Osydan keıin mártebeli meımannyń saparyna oraı saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi.
Prezıdent orkestri eki eldiń memlekettik Ánuranyn oryndady.
Ánurandardy tyńdap bolǵannan keıin Qasym-Jomart Toqaev pen Iordanııa Koroli kilemshe boıymen Qazaqstan Respýblıkasynyń Memlekettik Týyna qaraı júrdi.
Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń Iordanııa Koroli men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta Memleket basshylary kelissóz júrgizip jatyr. Sondaı-aq Qasym-Jomart Toqaev pen II Abdalla ben ál-Hýseın Qazaqstan-Iordanııa bıznes forýmyna qatysady.
Aıta keteıik, keshe Prezıdent Qasym-Jomart Toqaev Iordanııa Korolin Astana áýejaıynan qarsy alǵan edi.
Mártebeli meıman mingen bortty el shekarasynan elordaǵa deıin Qazaqstan Respýblıkasy Áýe qorǵanysy kúshteriniń ushaqtary alyp júrdi.