Qasym-Jomart Toqaev Aqordada Gvıneıa-Bısaý Prezıdentin qarsy aldy
ASTANA. KAZINFORM – Memleket basshysy Qasym-Jomart Toqaev Aqordada elimizge resmı saparmen kelgen Gvıneıa-Bısaý Prezıdenti Ýmarý Sısoký Embalony saltanatpen qarsy aldy.
Aldymen Qasym-Jomart Toqaev pen Ýmarý Sısoký Embalo bir-birine resmı delegatsııa múshelerin tanystyrdy. Osydan keıin mártebeli meımannyń saparyna oraı Saltanatty rásimder zalynda sap túzegen qurmet qaraýylynyń bastyǵy Memleket basshylaryna sálemdik baıanat berdi. Prezıdent orkestri eki eldiń memlekettik ánuranyn oryndady.
Ánurandardy tyńdap bolǵannan keıin eki eldiń Prezıdentteri kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi. Qurmetti qaraýyl bastyǵymen qoshtasty.
Qazirgi ýaqytta Memleket basshylary joǵary deńgeıdegi kelissózder júrgizip jatyr. Joǵary deńgeıde ótip jatqan kelissózder barysynda Qazaqstan men Gvıneıa-Bısaý arasyndaǵy saıası, saýda-ekonomıkalyq, mádenı-gýmanıtarlyq salalardaǵy yntymaqtastyq perspektıvasy talqylanbaq.
Buǵan deıin 18 jeltoqsan kúni Memleket basshysy Qasym-Jomart Toqaevtyń shaqyrýymen Gvıneıa-Bısaý Prezıdenti Ýmarý Sısoký Embalo Astanaǵa resmı saparmen keletinin habarlaǵan edik.