Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy
Memleket basshysy Qasym-Jomart Toqaev Qazaqstanǵa resmı saparmen kelgen Frantsııa prezıdenti Emmanıýel Makrondy Aqordada kútip aldy, dep habarlaıdy Kazinform agenttigi.
Mártebeli meımannyń saparyna oraı saltanatty rásimder zalynda Qurmet qaraýyl sap túzep, onyń bastyǵy Memleketter basshylaryna baıanat berdi.
Osydan keıin Prezıdenttik orkestr eki eldiń ánuranyn oryndady.
Odan ári Emmanıýel Makron men Qasym-Jomart Toqaev kilemshe boıymen Qazaqstan Respýblıkasynyń Memlekettik týyna qaraı júrdi.
Onyń aldyna kelgende meıman toqtap, basyn sál ıip, iltıpatyn bildirdi.
Budan keıin qos Prezıdent Qurmetti qaraýyl sapynyń boıymen júrdi.
Frantsııa Prezıdenti Qurmetti qaraýyl bastyǵymen qoshtasyp, Q.Toqaevpen shaǵyn quramdaǵy kezdesýge ótti.
Eske salaıyq, Frantsııa Prezıdenti Qazaqstanǵa Memleket basshysy Qasym-Jomart Toqaevtyń shaqyrýymen kelip otyr.
Sapar aıasynda eki el basshylary saýda-ekonomıkalyq, ınvestıtsııalyq jáne energetıkalyq yntymaqtastyqty nyǵaıtý, sondaı-aq halyqaralyq jáne óńirlik kún tártibindegi máselelerdi talqylaıdy dep josparlanǵan.
Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.
